श्री हनुमान चालीसा : हर दोहे और चौपाई का अर्थ | Shri Hanuman Chalisa: Read and Reflect

श्री हनुमान चालीसा: हर दोहे और चौपाई का अर्थ

Shri Hanuman Chalisa: Read, Understand, and Reflect

यहां आप श्री हनुमान चालीसा के सभी दोहे और चौपाइयों को हिंदी और अंग्रेजी दोनों भाषाओं में पढ़ सकते हैं। प्रत्येक चौपाई पर क्लिक करके आप उसके विस्तृत अर्थ वाले पृष्ठ पर जा सकते हैं। यह पृष्ठ आपके आध्यात्मिक अध्ययन को आसान बनाने के लिए बनाया गया है।

Here you can read all the Doha and Chaupai of Shree Hanuman Chalisa in both Hindi and English. Click on each line to navigate to a dedicated page with a detailed explanation. This page is designed to make your spiritual study easy and accessible.

दोहे | Dohas

श्रीगुरु चरन सरोज रज, निज मन मुकुर सुधारि ।
बरनऊं रघुबर बिमल जसु, जो दायक फल चारि ॥

Shree Guru Charana Saroja Raja, Nij Mana Mukura Sudhāri.
Baranau Raghuvara Bimala Jasu, Jo Dāyaka Phala Chāri.

बुद्धिहीन तनु जानिके, सुमिरौं पवन कुमार ।
बल बुधि विद्या देहु मोहिं, हरहु कलेश विकार ॥

Buddhi Hīna Tanu Jānikē, Sumirau Pavan Kumāra.
Bala Buddhi Vidyā Dēhu Mohiṁ, Harahu Kaleśa Vikāra.

चौपाइयां | Chaupais

1

जय हनुमान ज्ञान गुन सागर ।
जय कपीस तिहुँ लोक उजागर ॥

Jaya Hanumān Gyāna Guṇa Sāgara.
Jaya Kapīsa Tihuṁ Loka Ujāgara.

2

राम दूत अतुलित बल धामा ।
अंजनी पुत्र पवनसुत नामा ॥

Ram Doot Atulit Bal Dhama.
Anjani Putra Pavansut Naama.

3

महाबीर बिक्रम बजरंगी ।
कुमति निवार सुमति के संगी ॥

Mahābīra Bikrama Bajaraṅgī.
Kumati Nivāra Sumati Ke Saṅgī.

4

कंचन बरन बिराज सुबेसा ।
कानन कुंडल कुंचित केसा ॥

Kañcana Barana Birāja Subesā.
Kānana Kuṇḍala Kuñcita Kesā.

5

हाथ बज्र औ ध्वजा बिराजे ।
कांधे मूँज जनेऊ साजे ॥

Hātha Bajra Au Dhvajā Birāje.
Kāṁdhe Mūṁja Janeū Sāje.

6

शंकर सुवन केसरी नंदन ।
तेज प्रताप महा जगवंदन ॥

Śaṅkara Suvana Kesarī Nandana.
Teja Pratāpa Mahā Jagavandana.

7

विद्यावान गुनी अति चातुर ।
राम काज करिबे को आतुर ॥

Vidyāvāna Gunī Ati Cātura.
Rāma Kāja Karibe Ko Ātura.

8

प्रभु चरित्र सुनिबे को रसिया ।
राम लखन सीता मन बसिया ॥

Prabhu Caritra Sunibe Ko Rasiyā.
Rāma Lakhana Sītā Mana Basiya.

9

सूक्ष्म रूप धरि सियहिं दिखावा ।
बिकट रूप धरि लंक जरावा ॥

Sūkṣma Rūpa Dhari Siyahiṁ Dikhāvā.
Bikaṭa Rūpa Dhari Laṅka Jarāvā.

10

भीम रूप धरि असुर संहारे ।
रामचन्द्र के काज सँवारे ॥

Bhīma Rūpa Dhari Asura Sanhāre.
Rāmacandra Ke Kāja Samvāre.

11

लाय सजीवन लखन जियाये ।
श्रीरघुबीर हरषि उर लाये ॥

Lāya Sajīvana Lakhana Jiyāye.
Shrī Raghubīra Haraṣi Ura Lāye.

12

रघुपति कीन्ही बहुत बड़ाई ।
तुम मम प्रिय भरतहि सम भाई ॥

Raghupati Kīnhī Bahuta Baṛāī.
Tuma Mama Priya Bharatahi Sama Bhāī.

13

सहस बदन तुम्हरो जस गावैं ।
अस कहि श्रीपति कंठ लगावैं ॥

Sahasa Badana Tumharo Jasa Gāvaiṁ.
Asa Kahi Shrīpati Kaṇṭha Lagāvaiṁ.

14

सनकादिक ब्रह्मादि मुनीसा ।
नारद सारद सहित अहीसा ॥

Sanakādika Brahmādi Munīsā.
Nārada Sārada Sahita Ahīsā.

15

जम कुबेर दिगपाल जहाँ ते ।
कवि कोविद कहि सके कहाँ ते ॥

Yama Kubēra Digapāla Jahāṁ Te.
Kavi Kovida Kahi Sake Kahāṁ Te.

16

तुम उपकार सुग्रीवहिं कीन्हा ।
राम मिलाय राजपद दीन्हा ॥

Tuma Upakāra Sugrīvahiṁ Kīnhā.
Rāma Milāya Rājapada Dīnhā.

17

तुम्हरो मन्त्र बिभीषन माना ।
लंकेश्वर भए सब जग जाना ॥

Tumharo Mantra Bibhīṣaṇa Mānā.
Laṅkeśvara Bhaye Saba Jaga Jānā.

18

जुग सहस्र जोजन पर भानु ।
लील्यो ताहि मधुर फल जानु ॥

Juga Sahasra Jojana Para Bhānu.
Līlyo Tāhi Madhura Phala Jānu.

19

प्रभु मुद्रिका मेलि मुख माहीं ।
जलधि लांघि गये अचरज नाहीं ॥

Prabhu Mudrikā Mēli Mukha Māhīṁ.
Jaladhi Lāṅghi Gaye Acaraja Nāhīṁ.

20

दुर्गम काज जगत के जेते ।
सुगम अनुग्रह तुम्हरे तेते ॥

Durgama Kāja Jagata Ke Jete.
Sugama Anugraha Tumhare Tete.

21

राम दुआरे तुम रखवारे ।
होत न आज्ञा बिनु पैसारे ॥

Rāma Duāre Tuma Rakhavāre.
Hota Na Ājñā Binu Paisāre.

22

सब सुख लहैं तुम्हारी सरना ।
तुम रक्षक काहू को डर ना ॥

Saba Sukha Lahaiṁ Tumhārī Saranā.
Tuma Rakṣaka Kāhū Ko Ḍara Nā.

23

आपन तेज सम्हारो आपै ।
तीनों लोक हांक ते कांपै ॥

Āpana Teja Samhāro Āpai.
Tīnoṁ Loka Hāṅka Te Kāmpai.

24

भूत पिशाच निकट नहिं आवै ।
महावीर जब नाम सुनावै ॥

Bhūta Piśāca Nikaṭa Nahiṁ Āvai.
Mahāvīra Jaba Nāma Sunāvai.

25

नासै रोग हरै सब पीरा ।
जपत निरंतर हनुमत बीरा ॥

Nāsai Roga Harai Saba Pīrā.
Japata Nirantara Hanumata Bīrā.

26

संकट तें हनुमान छुडावै ।
मन क्रम वचन ध्यान जो लावै ॥

Sankaṭa Te Hanumān Chuḍāvai.
Mana Krama Vacana Dhyāna Jo Lāvai.

27

सब पर राम तपस्वी राजा ।
तिनके काज सकल तुम साजा ॥

Saba Para Rāma Tapasvī Rājā.
Tinake Kāja Sakala Tuma Sājā.

28

और मनोरथ जो कोई लावै ।
सोई अमित जीवन फल पावै ॥

Ora Manoratha Jo Koī Lāvai.
Soī Amita Jīvana Phala Pāvai.

29

चारों जुग परताप तुम्हारा ।
है परसिद्ध जगत उजियारा ॥

Cāroṁ Juga Paratāpa Tumhārā.
Hai Parasiddha Jagata Ujiyārā.

30

साधु संत के तुम रखवारे ।
असुर निकंदन राम दुलारे ॥

Sādhu Santa Ke Tuma Rakhavāre.
Asura Nikandana Rāma Dulāre.

31

अष्ट सिद्धि नौ निधि के दाता ।
अस बर दीन्ह जानकी माता ॥

Aṣṭa Siddhi Nau Nidhi Ke Dātā.
Asa Bara Dīnh Jānakī Mātā.

32

राम रसायन तुम्हरे पासा ।
सदा रहो रघुपति के दासा ॥

Rāma Rasāyana Tumhare Pāsā.
Sadā Raho Raghupati Ke Dāsā.

33

तुम्हरे भजन राम को पावै ।
जनम जनम के दुख बिसरावै ॥

Tumhare Bhajana Rāma Ko Pāvai.
Janama Janama Ke Dukha Bisarāvai.

34

अन्त काल रघुबर पुर जाई ।
जहाँ जन्म हरिभक्त कहाई ॥

Anta Kāla Raghubara Pura Jāī.
Jahāṁ Janma Haribhakta Kahāī.

35

और देवता चित्त न धरई ।
हनुमत सेइ सर्ब सुख करई ॥

Ora Dēvatā Citta Na Dharai.
Hanumata Sei Sarba Sukha Karai.

36

संकट कटै मिटै सब पीरा ।
जो सुमिरै हनुमत बलबीरा ॥

Sankaṭa Kaṭai Miṭai Saba Pīrā.
Jo Sumirai Hanumata Balabīrā.

37

जै जै जै हनुमान गोसाईं ।
कृपा करहु गुरु देव की नाईं ॥

Jai Jai Jai Hanumān Gosāīṁ.
Kṛpā Karahu Guru Dēva Kī Nāīṁ.

38

जो सत बार पाठ कर कोई ।
छूटहि बंदि महा सुख होई ॥

Jo Sata Bāra Pāṭha Kara Koī.
Chūṭahi Bandi Mahā Sukha Hoī.

39

जो यह पढ़ै हनुमान चालीसा ।
होइ सिद्धि साखी गौरीसा ॥

Jo Yaha Paḍhai Hanumāna Chālīsā.
Hoī Siddhi Sākhī Gaurīsā.

40

तुलसीदास सदा हरि चेरा ।
कीजै नाथ हृदय महँ डेरा ॥

Tulasīdāsa Sadā Hari Cherā.
Kījai Nātha Hṛdaya Mahāṁ Ḍerā.

अन्तिम दोहा | Final Doha

पवनतनय संकट हरन, मंगल मूरति रूप ।
राम लखन सीता सहित, हृदय बसहु सुर भूप ॥

Pavan Tanaya Sankaṭa Harana, Maṅgala Mūrati Rūpa.
Rāma Lakhana Sītā Sahita, Hṛdaya Basahu Sura Bhūpa.